Ուկրաինայի նախագահ Վլադիմիր Զելենսկին հայտնել է, որ Ռուսաստանի զինված ուժերը շարունակում են ավելացնել զորքերի խմբավորումը ռազմաճակատում։ Այս մասին նա հայտնել է Զինված ուժերի գլխավոր հրամանատար Ալեքսանդր Սիրսկիու և Գլխավոր շտաբի պետ Անդրեյ Գնատովի հետ կայացած հանդիպման ընթացքում։
Ըստ նախագահի՝ իրավիճակը մնում է լարված և պահանջում է մշտական ու մանրակրկիտ գնահատում։ Նա նաև ընդգծել է, որ Ուկրաինան մտնում է բարդ փուլ, որը կարող է շարունակվել մինչև սեպտեմբեր։ Այս փուլի բարդությունը պայմանավորված է ինչպես ռազմական գործողությունների ընթացքով, այնպես էլ ընթացող բանակցային գործընթացներով։
Միևնույն ժամանակ, Ռուսաստանի նախագահ Վլադիմիր Պուտինը հայտարարել է, որ Դոնեցկի մարզի որոշակի տարածքներ շարունակում են մնալ ուկրաինական կառավարության վերահսկողության տակ։ Այս հայտարարությունը հաստատել է նաև Դոնեցկի Հանրապետության նախագահ Դենիս Պուշիլինը։
