Հուլիսի 6-ին Եկատերինբուրգում անցկացվող միջազգային արդյունաբերական ցուցահանդեսին մասնակցելու նպատակով Ռուսաստանի Դաշնություն կատարած աշխատանքային այցը, որի ընթացքում ես հանդիպել եմ Ռուսաստանի կառավարության ղեկավար Միխայիլ Միշուստինի հետ, ցավոք, Հայաստանի համար սպասված տնտեսական արդյունքները չի տվել։
Հանդիպման նպատակն էր հնարավորություն ստեղծել հայկական բիզնեսի առջև ծառացած դժվարությունները թեթևացնելու ուղղությամբ որոշակի պայմանավորվածություններ ձեռք բերելու համար։ Կողմերի միջև քննարկումներ են տեղի ունեցել, սակայն, ցավոք, որևէ առանցքային հարցի շուրջ գործնական պայմանավորվածություն չի ձեռք բերվել։
Մասնավորապես, չի հաջողվել առաջընթաց ապահովել Հայաստանից Ռուսաստան արտահանվող ապրանքների շուրջ առկա սահմանափակումների հարցում։ Չեն կարգավորվել նաև առանձին ապրանքատեսակների՝ ռուսական շուկա մուտքի հետ կապված խնդիրները, որոնք ամիսներ շարունակ լուրջ դժվարություններ են ստեղծում հայ արտահանողների համար։ Նույն իրավիճակն է նաև էներգետիկ ոլորտում։ Բնական գազի թեմայով ևս որևէ շոշափելի տեղաշարժ չի արձանագրվել, և այդ ուղղությամբ առկա անորոշությունը շարունակում է պահպանվել։
Ընդհանուր առմամբ, հանդիպումն անցել է բարեկամական և ջերմ մթնոլորտում։ Մենք երկար զրուցել ենք, միասին ճաշել, կենացներ են ասել՝ միմյանց գովելով, սակայն այդ ջերմ մթնոլորտը, անցանկալի է, չի վերածվել կոնկրետ քաղաքական կամ տնտեսական արդյունքի։ Արդյունքում Հայաստանի համար ամենազգայուն տնտեսական հարցերը շարունակում են մնալ բաց։
